فاكرين فيلم مطار الحب؟ و عبد المنعم مدبولي - الدكتور النفسي- و لما وصف للمريض القصير انه يمشي يقول انا مش قصير قزعة انا طويل و أهبل... و هو عمره ما حيطول و لا حاجة ... بس الدكتور بيخلص نفسه .... فاكرين؟؟؟
اهو ده بالظبط اللي المجلس العسكري بيعمله معانا... سايب الشعب كله ماشي يقول انا مش قصير ازعة انا طويل و أهبل... يمكن مش نفس الكلام بس نفس الفكرة الشعب ماشي يقول انا عملت الثورة و الحرامية اتمسكوا.... انا عملت الثورة و الحرامية اتمسكوا... أوكي انا بهلوس بس خليكوا معايا شوية... و انا حاشرحلكوا نظريتي الفلوطية (علي رأي صبحي صالح - الفلوط - ما علينا بس ده مش موضوعنا النهاردة) المهم نظريتي هي كالاتي:
١- فعلا الشعب عمل الثورة ... اه عمل الثورة...
٢- فعلا الحرامية ممسوكين ... اه ممسوكين ...... و هنا انا فهمت الحدوتة...... اه لأنني فتك ...انا فهمت ليه الحرامية اتمسكوا؟؟؟
واحدة واحدة معايا....
احمد عز كان ممكن يهرب و لم يهرب ... صح؟
جمال مبارك كان ممكن يهرب و لم يهرب ... صح؟
علاء مبارك كان ممكن يهرب و لم يهرب ... صح؟
ماما سوزان كان ممكن تهرب و لم تهرب ... صح؟
"انا اسف يا ريس" كان ممكن يهرب و لم يهرب ... صح؟
السؤال اللي لم اسمعه حتي اليوم هو: ليه؟ ليه لم يهرب احد؟ لييييييييييييه؟؟
بما ان انا فتك (قلتها من شوية، معلش)
بفتاكتي فهمت ليه لم يهرب احد....الاجابة سهلة جدا...
لو هربوا حيقعدوا طول عمرهم هربانين و قلقانين و فلوسهم لن تعطيهم الحرية، صح؟ صح... و لن يستطيعوا العودة لمصر...
إذن الحل الاخر، هو البقاء في مصر و الذهاب الي السجن برجليهم و بمنتهي الرضا... يدخلوا السجن كام شهر و يتحقق معاهم و يتقدموا للمحاكمة و يأخذوا أحكام بسيطة او يمكن براءة.... بس خلاص... و كده يبقي الموضوع انتهي و اتقفل و بالقانون... يعني هما في السجن لحمايتهم مش لمحاسبتهم. و علشان حبكة الفيلم لابد من التضحية بكبش الفداء: العادلي و يمكن جرانة و كام واحد تاني... انما القيادة : عز و آلِ مبارك فهم في الأمان.
السؤال الثاني: من المتواطئون ؟
الشعب و الجيش ايد واحدة... طيب يا تري الشعب و المجلس العسكري ايد واحدة برضه؟؟؟؟؟
السؤال الثالث: هلوسة ولا حقيقة؟
توقيع:
المهلوس
- Posted using BlogPress from my iPhone
ليست هناك تعليقات:
إرسال تعليق