السبت، أغسطس 27، 2011

مدير الهيئة الفلانية لواء متقاعد فلان الفلاني...

بما ان انا فاهم و عارف كل حاجة فممكن اعرفكم سبب من اسباب البطالة.... و ليه في ناس مش لاقية شغل؟؟؟
ببساطة لانه كل ما يتقاعد حد رتبة من عسكر القوات المسلحة و كان النظام القديم راضي عنه يروحوا معينينه في وظيفة مدنية.... الوزارة الفلانية و الهيئة العلانية و الجهاز اللي اسمه ايه ده و الديوان اللي ميتسماش ده و هلما جري... لواء بقي محافظ وعميد بقي نائب محافظ و عقيد بقي مدير مكتب المحافظ و... و... و...و...
بعد الثورة كلنا قلنا الوضع حيختلف و فعلا اختلف الوضع تماماً... تسأل ازاي؟ أقولك...
اولا: دلوقت مش لازم الرتبة يتقاعد
ثانيا: طالما النظام "الجديد" راضي عنه يروحوا معينينه في وظيفة مدنية.... الوزارة الفلانية و الهيئة العلانية و الجهاز اللي اسمه ايه ده و الديوان اللي ميتسماش ده و هلما جري... لواء بقي محافظ وعميد بقي نائب محافظ و عقيد بقي مدير مكتب المحافظ و... و... و...و...
شوفتوا بقي ان الوضع اختلف تماماً...
و قيسوا علي كده حاجات كتير تانية اتغيرت .... اتغيرت خالص ... اتغيرت جدا....

توقيع:
المهلوس

- Posted using BlogPress from my iPhone