الأحد، مارس 20، 2011

نعم - لا - لعم - تؤ... حاجة تلخبط

كلها اجابات لسؤال واحد... هل توافق/توافقين علي تعديلات الدستور؟

بس خلاص .. مش فاهم ليه الدوشة دي كلها. هل من الممكن ان سؤال واحد كان حيقسم بلد؟ بعد ما الثورة وحدته!!!؟؟؟؟؟
مسلمين و أقباط ، اتحدوا في الثورة و انقسموا في الاستفتاء. لو فقط اختلفوا في الاجابة فده طبيعي لكن اللي حصل انهم خافوا من بعض... المسلمين خافوا مثلا علي النقطة التانية في الدستور و الأقباط خافوا مثلا من الجزية و الأحكام الاسلامية... علي فكرة الموضوع ده كان ممكن يتحل في الميدان...
بيتهايلي الست القبطية اللي صبت المياه للمسلم ليتوضأ وقت الثورة مفكرتش في الموضوع ده وقتها والا كانت ضربته بالشفشق (شفشق المياه مش الفريق ابو بلوفر صاحب المطار، المهم) كانت نزلت بيه علي دماغه و خلصت الموضوع في لحظتها و بناقص واحد كان حيقول نعم... وبالمرة كان الدكتور المسلم في وسط الميدان كان ساب المصاب المسيحي ينزف لحد ما يفيص و اهوا بناقص واحد كان حيقول لا في الاستفتاء و كنا برضوا خلصنا بدري بدري من مشاكل الاستفتاء ووجع الدماغ ده كله... خطة هلوسية مضمونة النجاح...
يا جماعة اصحوا بقي... الدين لله و الوطن للجميع... بلاش استخدام الدين لاغراض سياسية... ده حتي المهلوس فهم و العاقلين مش فاهمين... اصحووووووووووواااا

توقيع: المهلوس.


- Posted using BlogPress from my iPhone

ليست هناك تعليقات:

إرسال تعليق