علاء عبد الفتاح تحت الحبس الاحتياطي و بهاء صابر خرج بكفالة... و مايكل حيموت من الجوع...و مينا مات خلاص... ليه كل ده؟ هل فعلا بسبب ازبايضرو توفيق عفاشة؟ و لا علشان هما عيال جدعان و ثورجية و بيحبوا بلدهم؟ هو المؤكد انهم بشجاعتهم و بكلامهم خوفوا العسكر لدرجة انهم شدوهم و الأهم بقي دلوقت انهم وقفوا امام النيابة العسكرية و رفضوا الاجابة علي أسئلة طالما قدام العسكر...
السؤال : اذا كان دول الجدعان آمال مين المقصود بالغباء؟
الاجابة: ناس كتير يتصفوا بالغباء، نقول كام واحد منهم:
- كل واحد من اعضاء الحزب الوطني اللي حيفتكر ان الناس نسيت و انهم يقدروا يضحكوا علي الشعب تاني
- كل واحد شايف ان الثورة ابتدت و خلصت يلا بقي كفاية كدة
- كل واحد بيضحك علي نفسه و يصدق ان اهداف الثورة اكتملت
- كل واحد من جهاز الشرطة المتخاذل اللي فاكر ان عدم الأمن حيذل الناس
- كل واحد ذل الناس و فاكر انه شوية كدة و ترجع ريما لعادتها القديمة
- كل واحد من اعضاء المجلس اللي فاكرين انهم حيمسكوا و يتمكنوا..
كل دول و كتير كمان اغبي منهم فاكرين ان الزمن ممكن يرجع للوراء .... ميعرفوش ان اللي فات مات...وإننا في مصر جديدة دلوقتي...
توقيع:
المهلوس