الثلاثاء، مايو 10، 2011

انا اسف... و لكن اسف ليه و علي ايه؟؟

انا اسف.... انا اسف يا اسلام و انا اسف يا مسيحية ... انا اسف يا دين و انا اسف يا مصر... سبب الاسف مش اللي حصل و لكن لانه حصل و كلنا نعرف ان البني ادم الجاهل اسهل فريسة لمن يريد خلق البلبلة و عدم الاستقرار في مكان و اسهل طريقة لخلق التعصب هو إساءة شرح الدين ...لا تجادل و لا تسأل ....اشرح للجاهل اي موضوع بأي اتجاه انت تريده و هو حيصدقك و تخيل بقي انك تفسر له الدين يما يخدم مصلحة معينة (و ليس الشرح الحقيقي و الصادق للدين)... اسهل مسار للتعصب... زمان الفتنة حصلت في لبنان و دلوقت الهدف مصر... من خلف الاحداث؟ أكيد في حد وراها.... و انا لا اقصد السلفيين او الكنيسة او غيرهم و لكن اقصد المستفيد في الاخر و ثقوا ان لا يوجد انسان او مجموعة داخل مصر مستفيدة من الاحداث دي... ابحثوا خارج مصر... نرجع للموضوع... الاحداث حصلت و خلاص و لكن كيف نمنع حدوثها ثانية... الجهل... يجب القضاء علي الجهل... يجب علي الانسان ان يتعلم و يعلم ... يعلم انه من حقه السؤال و الجدال حتي يفهم ... أيا كان الموضوع دين او دنيا... السؤال و الفهم الصحيح لن يحدث غير في مجتمع متعلم ... النظام السابق الفاسد تعمد زرع الجهل بل و الجاهلية في المجتمع المصري علي مدار ٣٠ سنة (الحقيقة من قبل كده كمان) و الجهل اصبح العادي و في ناس خريجي مدارس و جامعات و لكنهم جهلة ... كم من خريج جامعي و ثقافته قاصرة... الجهل مش معناه انك متعرفش تقرأ و تكتب و لكن معناه انك متعرفش تفكر و تسأل و تحلل و تختار... ده الجهل اللي لازم نحاربه و نقضي عليه... النظام السابق الفاسد حرمنا حق الاختيار فبطلنا نحلل لأننا طبعا بطلنا نسأل و في الاصل بطلنا نفكر... الحل لمنع و القضاء علي الفتنة هو العلم و العلم و مزيد من العلم... لازم يكون هو ده هدفنا كمصريين ... مصريين... مصريين


توقيع:
المهلوس